ᠠᠷᠪᠠᠨ ᠲᠠᠪᠤᠨ ᠦ ᠰᠠᠷᠠ, ᠬᠤᠯᠤᠰᠤᠨ ᠲᠠᠰᠢᠭᠤᠷ
ᠲᠠᠭᠤᠴᠢᠨ ᠄ ᠭᠤᠷᠪᠠᠨ ᠪᠦᠳᠦᠭᠦᠨ
.
ᠠᠷᠪᠠᠨ ᠲᠠᠪᠤᠨ ᠦ ᠰᠠᠷᠠ ᠨᠢ
ᠠᠭᠠᠷ ᠲᠤ ᠪᠡᠨ ᠲᠡᠭᠳᠡᠯᠡ ᠬᠦ᠋
ᠠᠷᠤ ᠦᠪᠤᠷ ᠢᠶᠡᠨ ᠳᠠᠭᠠᠭᠠᠳ
ᠡᠭᠦᠯᠡ ᠦᠭᠡᠢ ᠨᠢ ᠶᠠᠭᠤ ᠶᠤᠮ ᠪᠤᠢ ᠬᠦ᠋
ᠬᠠᠶᠢᠷᠠᠲᠠᠢ ᠬᠤᠩᠭᠤᠷ ᠴᠢᠮᠠ ᠶ᠋ᠢ ᠪᠡᠨ
ᠬᠦᠯᠢᠶᠡᠭᠰᠡᠭᠡᠷ ᠤᠳᠠᠯᠠ ᠬᠦ᠋
ᠬᠠᠷᠢᠨ ᠴᠢ ᠮᠢᠨᠢ ᠬᠦᠷᠦᠭᠡᠳ ᠢᠷᠡᠬᠦ ᠦᠭᠡᠢ ᠨᠢ
ᠶᠠᠭᠤ ᠶᠠᠭᠤᠨ ᠦ ᠤᠴᠢᠷ ᠪᠤᠢ ᠬᠦ᠋
.
ᠬᠤᠷᠠ ᠪᠤᠷᠤᠭᠠᠨ ᠦ ᠰᠢᠮᠡ ᠨᠢ
ᠠᠭᠠᠷ ᠡᠴᠡ ᠪᠠᠭᠤᠬᠤ ᠦᠭᠡᠢ ᠪᠤᠯ
ᠬᠠᠶᠢᠲᠠᠩ ᠶᠠᠭᠠᠨ ᠴᠡᠴᠡᠭ
ᠦᠪᠡᠷ ᠢᠶᠡᠨ ᠶᠠᠭᠠᠬᠢᠵᠤ ᠳᠡᠯᠭᠡᠷᠡᠬᠦ ᠶᠤᠮ ᠪᠤᠢ ᠬᠦ᠋
ᠬᠠᠶᠢᠷᠠᠲᠠᠢ ᠬᠣᠩᠭᠣᠷ ᠴᠢᠮᠠᠶ᠋ᠢ ᠪᠠᠨ
ᠬᠠᠯᠡᠰᠢᠷᠠᠯ ᠦᠭᠡᠢ ᠬᠦᠯᠢᠶᠡᠪᠡᠯ ᠬᠦ᠋
ᠬᠠᠶᠢᠷᠠᠯᠠᠵᠤ ᠰᠠᠨᠠᠭᠰᠠᠨ ᠬᠤᠩᠭᠤᠷ ᠲᠡᠷᠡ ᠮᠢᠨᠢ
ᠠᠶᠠᠨᠳᠠᠭᠠᠨ ᠬᠦᠷᠦᠭᠡᠳ ᠢᠷᠠᠨᠠ ᠬᠥ᠋
.
ᠬᠤᠯᠤᠰᠤᠨ ᠲᠠᠰᠢᠭᠤᠷ ᠪᠠᠶᠢᠭᠠᠰᠠᠢ
ᠬᠤᠷᠤᠭᠤᠨ ᠳ᠋ᠠᠭᠠᠨ ᠡᠯᠭᠦᠭᠡᠳ ᠶᠠᠪᠤᠬᠤ ᠶᠤᠮᠰᠠᠨ
ᠬᠠᠤᠯᠢ ᠴᠠᠭᠠᠵᠠ ᠦᠭᠡᠢ ᠴᠤ ᠪᠤᠯᠤᠭᠠᠰᠠᠢ ᠳ᠋ᠠ
ᠦᠷᠡ ᠮᠢᠨᠢ ᠳ᠋ᠧ ᠬᠦ᠋
ᠬᠠᠭᠤᠴᠢᠨ ᠨᠤᠳᠤᠭ ᠢᠷᠠᠭᠤ ᠳ᠋ᠠᠭᠠᠨ ᠤᠴᠢᠬᠤ ᠶᠤᠮ ᠰᠠᠨ ᠳ᠋ᠠ
ᠶᠠᠭᠠᠬᠢᠶᠠ ᠳ᠋ᠠ ᠬᠦ᠋
.
ᠢᠷᠭᠠᠢ ᠲᠠᠰᠢᠭᠤᠷ ᠨᠢ ᠪᠠᠶᠢᠭᠠᠰᠠᠢ
ᠶᠠᠩᠵᠤ ᠶ᠋ᠢ ᠨᠢ ᠤᠯᠤᠭᠠᠳ ᠪᠠᠷᠢᠬᠤ ᠶᠤᠮᠰᠠᠨ
ᠶᠠᠯᠠ ᠴᠠᠭᠠᠵᠠ ᠦᠭᠡᠢ ᠴᠤ ᠪᠤᠯᠤᠭᠠᠰᠠᠢ ᠳ᠋ᠠ
ᠦᠷᠡ ᠮᠢᠨᠢ ᠳ᠋ᠧ ᠬᠦ᠋
ᠢᠷᠭᠠᠶᠢᠳᠤ ᠶ᠋ᠢᠨ ᠢᠶᠡᠨ ᠭᠤᠤᠯ ᠳ᠋ᠠᠭᠠᠨ ᠤᠴᠢᠬᠤ ᠶᠤᠮ ᠰᠠᠨ ᠳ᠋ᠠ
ᠶᠠᠭᠠᠬᠢᠶᠠ ᠳ᠋ᠠ ᠬᠦ᠋
.
ᠠᠷᠪᠠᠨ ᠲᠠᠪᠤᠨ ᠦ ᠰᠠᠷᠠ ᠨᠢ
ᠠᠭᠠᠷ ᠳᠡᠭᠡᠷᠡ ᠲᠡᠭᠳᠡᠯᠡ ᠬᠦ᠋
ᠠᠷᠤ ᠦᠪᠤᠷ ᠢᠶᠡᠨ ᠳᠠᠭᠠᠭᠠᠳ
ᠡᠭᠦᠯᠡ ᠨᠢ ᠦᠭᠡᠢ ᠨᠢ ᠶᠠᠭᠤ ᠶᠤᠮ ᠪᠤᠢ ᠬᠦ᠋
ᠬᠠᠶᠢᠷᠠᠲᠠᠢ ᠬᠤᠩᠭᠤᠷ ᠴᠢᠮᠠᠶ᠋ᠢ ᠪᠡᠨ
ᠬᠠᠯᠡᠰᠢᠷᠠᠯ ᠦᠭᠡᠢ ᠬᠦᠯᠢᠶᠡᠪᠡᠯ ᠳ᠋ᠠ ᠬᠦ᠋
ᠬᠠᠮᠳᠤᠷᠠᠵᠦ ᠵᠢᠷᠭᠠᠬᠤ ᠶ᠋ᠢᠨ ᠡᠳᠤᠷ ᠬᠤᠨᠤᠭ ᠨᠢ
ᠠᠶᠠᠨᠳᠠᠭᠠᠨ ᠬᠦᠷᠦᠭᠡᠳ ᠢᠷᠡᠨᠡ ᠳ᠋ᠧ ᠬᠦ᠋
.
ᠭᠦᠨᠰᠢᠭᠦᠦ ᠳᠡᠪᠡᠯ ᠲᠡᠢ ᠭᠦᠨᠵᠢᠳᠮᠠ ᠳ᠋ᠡ ᠬᠦ᠋
ᠭᠦᠩ ᠦᠨ ᠬᠠᠲᠠᠨ ᠳᠤ ᠴᠠᠩᠬᠠᠭᠠᠲᠠᠢ ᠳ᠋ᠠ ᠬᠦ᠋
ᠭᠦᠨ ᠢ ᠡᠬᠡᠨᠡᠷ ᠠᠪᠤᠭᠰᠠᠨ ᠠᠴᠠ ᠬᠣᠢᠰᠢ
ᠬᠦᠦ ᠮᠢᠨᠢ ᠳ᠋ᠡ ᠬᠦ᠋
ᠭᠥᠯᠢᠷᠡᠬᠦ ᠶᠢᠨ ᠡᠪᠡᠳᠴᠢᠨ ᠲᠡᠢ ᠪᠣᠯᠪᠠ ᠤᠤ ᠳ᠋ᠠ
ᠶᠠᠶᠠ ᠳ᠋ᠠ ᠬᠦ᠋